Croesi i’r wefan; yma cewch wybodaeth amdanaf fel actor, ysgrifennwr, cyfarwyddwr, ac fel cynghorwr i rai sy’n dioddef o gamddefnydd o alcohol a chyffuriau eraill. Os oes angen mwy o wybodaeth arnoch yna cysylltwch â mi.
Dychwelais i’r coleg ym 2006 i astudio cwrs gradd FD.Sc i’m galluogi i gynghori rhai sy’n gaeth i alcohol a chyffuriau eraill. Graddiais yr haf hwn (er na fydd y seremoni graddio swyddogol tan fis Rhagfyr), ac ers hynny rydw i wedi bod yn gweithio fel cynhorwr yn Rhoserchan, y ganolfan driniaeth uwchlaw Penrhyncoch, ger Aberystwyth. Daeth fy nghyfnod yn gweithio yn Rhoserchan i ben dydd Gwener d’wethaf, 15fed o Awst, 2008. Ar y 1af o Hydref, 2008, byddaf yn dechrau yn fy swydd newydd fel prif weithredwr Cyngor Cymru ar Alcohol a Chyffuriau Eraill.
Mae gen i ddau lyfr wedi’u cyhoeddi hyd yma.
‘PORC PEIS BACH’ gan Hughes ym 2000, ISBN 0 85284 300 3, ac mae’n adrodd hanes cynnar Kenneth Robert Parry, mab y Mans, ac arwr y cyfresi teledu ‘Porc Peis Bach’ ddarlledwyd ar S4C o 1999 i 2005. Mae’r llyfr hefyd yn cynnwys sgript y ffilm arobryn, ‘Porc Pei’ enillodd y brif wobr yng ngðyl ffilm ryngwladol Vürzburg yn yr Almaen, 1998. www.gwales.com
‘RASLAS BACH A MAWR!’ yw fy hunangofiant, gyhoeddwyd ym 2004, gan Gomer, ISBN 1 84323 362 2. Mae’r gyfrol hon yn adrodd fy nhaith i Uffern ac yn ôl, a’m gwellhad, un dydd ar y tro, o grafangau alcoholiaeth a dibyniaeth ar gyffuriau. www.gomer.co.uk
