Dychwelais i’r coleg ym 2006 i astudio cwrs gradd FD.Sc i’m galluogi i gynghori rhai sy’n gaeth i alcohol a chyffuriau eraill. Graddiais ym 2008 ac wedyn bûm yn gweithio fel cynhorwr yn Rhoserchan, y ganolfan driniaeth uwchlaw Penrhyncoch, ger Aberystwyth. Penodwyd fi yn Brif Weithredwr Cyngor Cymru ar Alcohol a Chyffuriau Eraill ar y 1af o Hydref, 2008. Yn 2010 dyfarnwyd Cymrodoriaeth Winston Churchill i mi a byddaf teithio i UDA ym mis Medi, Hydref a Thachwedd ac yn ymweld â chanolfannau  triniaeth yn Vermont, Connecticut, Philadelphia a Washington D.C.

Gweledigaeth bersonol
Rwy’n teimlo bod fy ngyrfa a’m profiadau hyn yma wedi bod yn baratoad ar gyfer y swydd hon. Mae’r cymwysterau personol gen i i gyd ac mae prif ddyletswyddau a chyfrifoldebau y swydd yn hwylus o fewn fy nghyrraedd. Am fwy o fanylion am Strategaeth 3 blynedd y Cyngor ewch i www.cyngorcymru.org.uk

Yn bwysicach na dim, byddaf ar gael i ddod i siarad am waith y Cyngor i eglwysi a chapeli Cymru, i ysgolion ac i grwpiau ieuenctid. I hwyluso’r broses hon, ac i’m galluogi i gario’r neges i’r niferoedd mwyaf posib, erfyniaf arnoch i drefnu ar y cyd gydag eglwysi/ysgolion/grwpiau/cymdeithasau eraill yn eich pentref, dref neu ddinas fel bod cynulleidfa deilwng ar gyfer y cyfarfodydd hyn.

Mae Cyngor Cymru ar Alcohol a Chyffuriau Eraill ‘Yn hyrwyddo Dewis a Byw Bywyd Cyfrifol’.